Activities · Diwali 2026

Is Diwali, ghar par 10 screen-free activities

Har activity ke saath saaman aur samay likha hai. Jo ho jaaye, uspar tick lagaiye; aapki progress isi phone mein save rehti hai.

1

Rangoli banaiye
Chawal ke aate, rangoli ke rang ya phool ki pattiyon se darwaaze par rangoli. Pehle chalk se design banaiye, phir rang bhariye.

Saaman: Rangoli colours ya phool, chalkSamay: 45 min
2

Apne diye khud rangiye
Mitti ke saade diyon ko acrylic ya poster rang se sajaiye. Sookhne ke baad Diwali ki raat inhi ko jalaiye.

Saaman: Mitti ke diye, rang, brushSamay: 1 ghanta
3

Kaagaz ka akash kandil banaiye
Rangeen chart paper se lantern banaiye aur balcony mein latkaiye. Andar sirf LED light lagaiye, mombatti nahi.

Saaman: Chart paper, gond, kainchi, LED lightSamay: 1 ghanta
4

Daadi-naani ke liye greeting card
Haath se bana Diwali card, andar apne haath se likha sandesh. Bade-buzurgon ke liye kisi bhi gift se keemti.

Saaman: Card sheet, sketch pens, stickersSamay: 30 min
5

Kaagaz ya kapde ka toran
Rangeen triangle kaat kar dhaage mein piroiye aur darwaaze par lagaiye. Purane kapdon ke tukde bhi kaam aate hain.

Saaman: Rangeen kaagaz ya kapda, dhaagaSamay: 45 min
6

Ek mithai saath banaiye
Nariyal ke laddoo jaisi aasaan mithai: bachche mila kar golay banaayein, gas ka kaam bade karein.

Saaman: Mithai ka saaman, ek bada saathiSamay: 45 min
7

Daan ka dabba
Diwali ki safai mein chhote ho chuke kapde aur khilone alag kariye aur kisi zaroorat-mand ko dijiye.

Saaman: Ek dabba, purane kapde-khiloneSamay: 1 ghanta
8

Ram ji ke ghar lautne ki kahani
Diwali kyun manate hain? Ramayan ki yeh kahani saath padhiye ya sunaiye, aur bachche se apne shabdon mein dohraaiye.

Saaman: Amar Chitra Katha ya koi kahani ki kitaabSamay: 30 min
9

Ek paudha lagaiye
Genda ya tulsi ka paudha gamle mein lagaiye. Bachcha roz paani de aur badhte hue dekhe.

Saaman: Gamla, mitti, paudhaSamay: 30 min
10

Madad karne walon ko thank-you
Didi, watchman, driver ya dhobi ke liye chhota sa thank-you card aur mithai. Bachche khud dekar aayein.

Saaman: Card, mithai ka dabbaSamay: 30 min